Tifel ta’ 9 snin fil-periklu tal-mewt wara li waqa’ żewġ sulari minn tieqa ta’ residenza

Tifel ta’ 9 snin jinsab fil-periklu tal-mewt wara li waqa’ madwar 2 sulari minn tieqa ta’ residenza.

Il-każ seħħ ilbieraħ filgħaxija fi Triq Wied in-Noqor, Luqa.

Fuq il-post issejjaħ tim mediku u ambulanza ħadet il-vittma l-Isptar Mater Dei sabiex jingħata l-kura meħtieġa.

Aktar tard, hu ġie ċċertifikat li qed isofri minn ġrieħi serji.

Il-Maġistrat Joe Mifsud ġie infurmat bil-każ u ħatar inkjesta filwaqt li linvestigazzjonijiet mill-Pulizija għadhom għaddejjin.