Uffiċjali tal-Gvern fil-Korea ta’ Fuq liebsu għall-ewwel darba pins fuq il-ġlekk tagħhom, li juru wiċċ il-mexxej ta’ dan il-pajjiż, Kim Jong Un.
Dan ġie nnotat mill-midja internazzjonali wara ritratti ppubblikati mill-midja tal-istat ta’ konferenza tal-Partit Komunista ta’ Kim Jong Un.
REKLAM
SKROLLJA BIEX TKOMPLI
Il-familja Kim ilha tmexxi lil dan il-pajjiż mit-twaqqif ta’ dan il-pajjiż, wara t-Tieni Gwerra Dinjija.
Analisti qed jaraw dawn il-pins bħala mossa biex il-mexxej attwali jkollu l-istess saħħa bħal nannuh u missieru li mexxew lil dan il-pajjiż.
