Malta bdiet tajjeb l-impenji tagħha fil-Kampjonat tad-Dinja tal-waterpolo U16 tas-subien, fil-Pixxina Nazzjonali Tal-Qroqq, hekk kif rebħet lil Kazakhstan bl-iskor ta’ 16-6.
It-team malti, taħt it-tmexxija tal-kowċ Jonathan Valletta, rebaħ is-sessjonijiet kollha. Beda b’rebħa konvinċenti ta’ 4-0, bis-sessjonijiet l-oħra jintrebħu mill-maltin rispettivament 3-2, 3-2 u 6-2.
Il-goals għat-team malti waslu minn Sam Engerer li skorja sitt goals personali, Max Lanzon b’erba’ goals, tliet goals ta’ Tom Fenech u goal kull wieħed minn Andre’ Aquilina, Sean Mifsud u Philip Tabone.
It-team malti qed jilgħab di Grupp H flimkien mal-Greċja, Kazakhstan u Rumanija.
Malta terġa tkun fl-azzjoni l-erbgħa fis-19:00 fil-Pixxina Nazzjonali Tal-Qroqq kontra r-Rumanija.
32 team minn madwar id-dinja qed jieħdu sehem f’dawn il-kampjonati tad-dinja u li qed isiru fil-Pixxina Nazzjonali Tal-Qroqq u fil-Pixxina tal-Kottonera. Kampjonati li jibqgħu għaddejjin sal-24 ta’ Ġunju.
![](https://cdn.one.com.mt/wp-content/uploads/2024/06/18210624/448753592_17926888001906227_4562944470355784540_n-1024x682.jpg)
![](https://cdn.one.com.mt/wp-content/uploads/2024/06/18210639/448683291_17926888022906227_17592476791181982_n-1024x683.jpg)
![](https://cdn.one.com.mt/wp-content/uploads/2024/06/18210654/448629250_17926888031906227_1359157672204638450_n-1024x683.jpg)
(Photo Credit: Timmy Cutugno)