Maġġoranza Laburista ta’ madwar 8,000 vot fl-Elezzjoni tal-Parlament Ewropew

Ftit tal-ħin, il-Ministru u d-Delegat Laburista Michael Falzon ħabbar li l-Partit Laburista rebaħ l-Elezzjoni tal-Parlament Ewropew tal-bieraħ b’maġġoranza ta’ madwar 8,000 vot fuq il-Partit Nazzjonalista. 

Dan l-ammont ħareġ wara li kien kważi wasal fi tmiemu l-ewwel għadd tal-voti kollha u anke wara ġurnata sħiħa ta’ spekulazzjonijiet dwar ammonti, inkluż minn esponenti Nazzjonalisti.