Il-Ġimgħa filgħaxija fic-Centenary Stadium t-tim Nazzjonali Malti tan-nisa kellhu l-ewwel impenn tiegħu minn Grupp B3 ta’ kwalifikazzjoni tal-Kampjonati Ewropej 2025 kontra l-Bosnija Herzegovina bit-tim Malti jitlef 1 – 0 f’partita li kienet ikkontrollata mir-referi Ingliża Emily Heaslip.
Wara sebgħa minuti kienu propju l-Maltin li ħolqu l-ewwel azzjoni meta wara li irċeviet ballun tajjeb kienet Jade Flask li avvanzat u daħlet fil-kaxxa iżda kella xutt mtajjar f’korner mid-difiża opposta. Mil-corner sussegwenti ta’ Rachel Cushcieri Malta mill-ġdid resqu viċin meta l-ballun eventwalment wasal għand Haley Bugeja li kellha xutt minn ġol-kaxxa ż-żgħira mdawwar f’corner ieħor mill-goalkeeper Almina Hodžić.
Fit-12 il-minuta wieġbu l-Bosnija meta kienet Selma Kapetanovic li kellha insidjuż salvat bla problemi mill-goalkeeper Patricia Ebejer. Żewġ minuti wara u mill-ġdid kienu l-Bosnija bi kross ta’ Milena Nikolić li spiċċa għand Minela Gačanica li kellha xutt fjakk li għadda barra.
Fil-21 minuta kellna azzjoni oħra tal- Bosnija meta kienet Amela Kršo li ipprovdiet l-kross u Emina Ekić minn taht l-lasti naqset milli tikkonkludi.
Kellna nistennew sal-42 minuta biex assistejna għal azzjoni oħra perikoluża meta kienet Brenda Borg li għaddiet ballun l-quddiem lejn Jade Flask li wara li avvanzat naqset milli tikkonkludi biex l-azzjoni sfumat. Eżatt qabel tmiem l-ewwel taqsima reġgħu il-Maltin meta kienet Maria Farrugia li kellna konklużjoni minn ġol- kaxxa li spiċċat barra.
Malta ħarġu fuq l-attakk fit-tieni taqsima issa kienu l-Bożnija li resqu qrib l-ewwel meta fit-52 minuta ballun fit-tul li finalment ntemm għand Minela Gačanica li minn taħt l-lasti iżda minn pożizzjoni angolat tefgħet ferm għoli.
Fis-70 minuta kienu l-Bosnija ferm qrib li jiftħu l-iskor meta kienet Emina Ekić li kellha xutt minn tarf il-kaxxa mdawwar f’corner.
Fis-77 minuta wieġbet Malta meta kienet Kailey Willis li ghamlet ġirja mill-isbah u provat kross fil-baxxa lejn Brenda Borg, iżda pronta kienet d-difiża opposta li evitat l-periklu.
Sitt minuti mit-tmiem u Malta ghal darboħra viċin meta Haley Bugeja għaddiet ballun mil-isbaħ lejn Maria Farrugia li wara li avvanzat kellha x-xutt tagħha jintemm għoli.
Tlett minuti mit-tmiem u kienu l-Bosnija b’xutt minn tarf l-kaxxa ta’ Minela Gačanica li kien salvat minn Patricia Ebejer.
Ftit tas-sekondi wara l-Bosnija marru fil-vantaġġ meta wara azzjoni ta’ kross ta’ Amela Kršo kienet Milena Nikolić li bir-ras tefgħet l-ballun fix-xibka.
Fl-aħħar mumenti tal-partita daħlet tilgħab għall-aħħar d-darba l-plejer Dorianne Theuma hekk kif issa se tkun qed tirtira.
Eżatt qabel t-tmiem korner għal Malta mogħti minn Dorianne Teuma, bid-difiża avversarja eventwalment tevita l-periklu.
Attendenza: 661
