Hamrun Spartans ħabru li l-kowċ Luciano Zauri mhux se jibqa jmexxi lit-tim staġun ieħor.
F’stqarrija Hamrun Spartans sostnew li Zauri kien l-għażla naturali tal-klabb partikolarment tal-President Joseph Portelli li għamel minn kollox sabiex iżomm is-servizzi tal-kowċ Taljan għal staġun ieħor.
Luciano Zauri kien inħattar kowċ ta’ Hamrun Spartans sena ilu u kellu kuntratt maċ-ċampjins tal-istaġun ta’ sena. B’hekk Zauri kien liberu wara tmiem l-istaġun għalkemm in-negozjati bejn iż-żewġ partijiet baqgħu għaddejjin għal dawn l-aħħar jiem.
Nifhmu li t-tmexxija ta’ Hamrun għaddejja b’ħidma qawwija sabiex kemm jista jkun malajr jaħtru kowċ ġdid hekk kif il-preparamenti għal kompetizzjonijiet Ewropej mistennija li jibdew tlett ġimgħat oħra.
Ritratt: Times of Malta
