‘Agħtuna t-Tazza, Agħtuna t-Tazza’ għajtu l-mijet kbar ta’ partitarji Ħamrunżi preżenti fl-Istadium Nazzjonali f’Ta’ Qali hekk kif iċċelebraw ir-rebħ tal-10 kampjonat fl-istorja tagħhom.
Huma kienu diġá kkonfermati mir-rebħ tat-titlu fi tmiem il-ġimgħa li għaddiet meta umiljaw lir-rivali Floriana u għelbuhom bl-iskok kbir ta’ 5-0.
Għall-kronaka, din il-partita li ntlagħbet biss biex tonora l-fixture, hekk kif il-fortuni taż-żewġ timiiet kienu diġá magħrufa, Hamrun Spartans u Hibernians temmew il-konfront ta’ bejniethom fi draw ta’ 1-1.
Hamrun għamlu l-intenzjonijiet tagħhom ċari mal-ftuħ tal-partita u fetħu l-iskor wara biss ħames minuti meta Uros Djuranovic għadda tajjeb lejn Ryan Camenzuli li min-naħa tuegħu xeħet cross mix-xellug li sab lil JONNY li mll-viċin spara ġewwa.
Huma komplew jippressaw u 10 minuti wara resqu viċin li jirduppjaw l-iskor meta l-awtur tal-ewwel goal Jonny kellu x-xutt tiegħu devjat f’corner minn player tal-Pawlisti.
Kulma jmur kompla d-dominju assolut tal-Ispartans u fil-25 minuta, Uros Djuranovic approfitta minn żball fid-difiża ta’ Hibernians u kellu ex-xutt tiegħu mill-viċin jiġi salvat tajjeb mill-goalkeeper żagħżugħ tal-Pawlisti, Hugo Sacco.
Iżda kontra x-xejra tal-logħob, Hibernians, ġabu l-iskor indaqs fl-40 minuta meta RODNEY ANTWI wara li rċieva minn cross ta’ Kurt Shaw, kellu l-konklużjoni aktrobatika tiegħu mill-viċiin jintemm ġewwa.
Hamrun wieġbu żewġ minuti biss wara u Jonny kellu x-xutt tiegħu minn tarf il-kaxxa jintemm ftit barra.
Fil-ftuħ tat-tieni taqsima, Hamrun ħarġu ferm aggressivi u fit-48 minuta s-sostitut Ederson Bruno Domingos li kien ilu biss minuta fil-ground, twaqqa’ fil-kaxxa minn player avversarju iżda r-referee Alex Johnson ħalla l-logħob għaddej u ssenjala corner.
Hibernians wieġbu fis-67 minuta meta Robert Bairam xeħet cross lejn Rodney Antwi li kellu d-daqqa ta’ ras mill-viċin tiegħu tintemm ftit barra.
L-iskor baqa’ ma nbidilx sa tmiem il-partita, biż-żewġ timijiet jieħdu punt kull wieħed.
Wara l-partita, il-president tal-MFA, Bjorn Vassallo, ppreżenta t-Tazza taċ-Champions lill-captain ta’ Hamrun Spartans, Steve Borg.
