TradeMalta ħabbret il-koordinazzjoni tagħha tal-Padiljun ta’ Malta fil-Libya Build 2024 bejn id-29 t’April u t-2 ta’ Mejju.
Dan l-avveniment jimmarka r-ritorn tal-kumpaniji Maltin għal din il-fiera wara nuqqas ta’ diversi snin. Il-wirja, li issa tinsab fil-15-il edizzjoni tagħha, hija magħrufa bħala l-akbar waħda għas-settur tal-bini, id-disinn u l-kostruzzjoni fl-Afrika ta’ Fuq, u li qed ssir fit-Tripli International Fair Grounds mid-29 ta’ April sat-2 ta’ Mejju. Libya Build isservi bħala pjattaforma vitali, li tgħaqqad eluf ta’ soluzzjonijiet ta’ kostruzzjoni taħt saqaf wieħed.
Ħames kumpaniji Maltin qed jipparteċipaw f’din l-edizzjoni, li qed jieħdu l-opportunità biex joħolqu konnessjonijiet ġodda u jesploraw sħubijiet potenzjali. Qed juru l-kompetenza tagħhom b’firxa diversa ta’ offerti li jkopru disinji tal-bibien, soluzzjonijiet ta’ inġinerija, servizzi professjonali u tekniċi integrati fil-kostruzzjoni tal-bini, manifattura tal-fibreglass, u soluzzjonijiet tar-riskju operazzjonali.
Anton Buttigieg, Kap Eżekuttiv ta’ TradeMalta, ikkummenta, “TradeMalta hija kuntenta li qed tmexxi l-Padiljun ta’ Malta f’Libya Build. L-involviment tagħna jenfasizza d-dedikazzjoni ta’ TradeMalta biex tiffaċilita l-kummerċ internazzjonali u trawwem opportunitajiet ta’ tkabbir għan-negozji Maltin. Aħna impenjati li nghinu lill-intrapriżi lokali biex jespandu l-livell globali tagħhom u jaħtfu prospetti promettenti fis-swieq internazzjonali.”
Il-parteċipazzjoni fil-Libya Build tippreżenta opportunità eċċellenti għall-kumpaniji Maltin biex jimpenjaw ruħhom ma’ mexxejja tal-industrija mill-Afrika ta’ Fuq u l-Lvant Nofsani u jikkultivaw relazzjonijiet ta’ valur u jaċċessaw toroq ġodda għat-tkabbir. Il-viżitaturi huma mħeġġa jżuru l-Padiljun ta’ Malta fis-Sala 1 fit-Tripli International Fair Grounds biex jiskopru l-aħħar innovazzjonijiet u kapaċitajiet offruti mid-ditti Maltin.
Għal aktar informazzjoni dwar is-servizzi offruti minn TradeMalta żur www.trademalta.org jew ċempel fuq 22472400.
