Illejla 10,000 xemgħa u fjakkola fil-Fgura – tentattiv ta’ rekord nazzjonali

Fil-lejl ta’ Ħamis ix-Xirka fil-Fgura se ssir mixegħla kbira b’madwar 10,000 xemgħa u fjakkoli.

Din il-mixegħla se ssir fuq iż-żuntier tal-Knisja sat-triq prinċipali u Triq il-Karmelitani. B’din se tkun akkumpanjata minn mużika sagra u elementi oħra li normalment isib f’dan il-perjodu tal-Ġimgħa Mqaddsa.

Din il-mixegħla se tkun parti wkoll minn tentattiv ta’ rekord nazzjonali ta’ xemgħat armati.

Din l-attività se ssir illejla bejn is-7:30pm u nofsillejl, bid-dħul huwa b’xejn.

Din il-mixegħla qed issir mill-Kunsill Lokali tal-Fgura u l-Kummissjoni Festa Esterna ta’ din il-lokalità.

Sadanittant, fit-8pm, fil-maħżen tal-armar fi Triq il-Karmelitani se ssir ir-rapprezentazzjoni bl-isem ta’ ‘Maħfra’. Din se ssir kull nofsiegħa u d-dħul huwa b’xejn.