Vann tat-tip Ford Transit inqered għal kollox wara li ħa n-nar waqt li kien qed jinġarr minn trakk tat-towing fil-Mosta.
Il-każ seħħ għall-ħabta tal-11:40 ta’ dalgħodu fi Triq iż-Żejfa fil-Mosta meta persuni li kienu fit-trakk tat-towing raw duħħan ħiereġ minn van li bdew iġorru wara li kellu xi ħsarat.
It-trakk waqqaf fil-ġenb fejn dawk li kienu fih ħarġu sabiex ineħħu l-vann minn mat-trakk. Il-vann f’temp ta’ ftit ħin ħa n-nar u nqered għal kollox.
Fuq il-post issejħet l-għajnuna tal-Protezzjoni Ċivili sabiex jikkontrollaw in-nirien.
Fortunatament ħadd ma’ weġġa waqt dan l-inċident.
Sewwieqa huma avżati biex isibu rotta alternattiva dan minħabba li t-triq se tinżamm magħluqa sakemm titnaddaf it-triq.
–
