L-ewwel bastiment ta’ għajnuna lejn Gaza jsalpa ’l barra minn Ċipru

Dalgħodu, mill-belt ta’ Larnaca f’Ċipru salpa ’l barra l-ewwel bastiment ta’ għajnuna lejn il-medda ta’ Gaza.

Dan il-vapur qed iġorr 200 tunnellata ta’ dqiq, ross u proteina.

Din il-missjoni hi bħala proġett pilota li qed ikun imħallas primarjament mill-Emirati Għarab Magħquda.

Is-sitwazzjoni f’Gaza hi waħda tal-waħx, hekk kif eluf ta’ persuni, fosthom tfal qed ibatu bil-ġuħ. Dan hekk kif minn Ottubru, l-Iżraeljani assedjaw l-Istrixxa ta’ Gaza, bi qtugħ ta’ provvista ta’ ikel u affarijiet bażiċi oħra.

F’Gaza, aktar minn 30,000 persuna, fosthom nisa u tfal, tilfu ħajjithom.