ONE dejjem kien fuq quddiem biex jagħti opportunita’ lil bosta fil-qasam tax-xandir. Infatti, kull min segwa l-bulettin ta’ ONE News tal-Erbgħa 6 ta’ Marzu, ra wiċċ ġdid biex taqra l-aħbarijiet.
Kimberley Sacco Baldacchino ilha għal dawn l-aħħar 7 snin u nofs taħdem ma’ ONE News, iżda issa bdiet esperjenza ġdida hekk kif hija waħda minn tim ta’ qarrejja għall-bulettin prinċipali ta’ ONE News.
Hija esperjenza unika u mill-isbaħ li taqra l-aħbarijiet għall-ewwel darba fuq l-istazzjon ONE. Esperjenza li ma kinitx tkun possibbli mingħajr l-għajnuna ta’ bosta li tawni l-għarfien u t-taħriġ neċessarju biex inwassal l-aħbarijiet fid-djar ta’ eluf ta’ segwaċi. Dik il-ħolma li kellha dik it-tifla ta’ 6 snin li man-nanniet kienet tara l-aħbarjiet issa saret realtà.
Kimberley Sacco BaldacchinoREKLAMSKROLLJA BIEX TKOMPLI
Dan is-sit jawgura lil Kimberley u lil qarrejja kollha ta’ ONE News li ta’ kuljum iwaslulna l-aħbar waqt il-bulettin prinċipali ta’ ONE News li jixxandar mit-Tnejn sal-Ħadd fis-7:30pm
