Duncan Fenech inħatar bħala l-kowċ il-ġdid tat-tim nazzjonali Malti tal-Basketbal tal-irġiel.
Fenech huwa magħruf fix-xena tal-Basketball lokali u l-għażla tiegħu bħala kowċ nazzjonali ittieħdet minħabba l-esperjenza li għandu f’dan il-qasam.
Esperjenza kemm bħala kowċ f’livell ta’ klabb, b’mod speċjali fil-klabb ta’ Luxol, iżda anke fil-qasam nazzjonali fis-settur taż-żgħażagħ.
Huwa anke serva fil-kariga ta’ assistent kowċ tat-timijiet nazzjonali U16 u U18 li ħadu sehem fil-kompetizzjonijiet tal-FIBA fl-2021 u l-2022.
Is-sena li għaddiet, Fenech lit-tim nazzjonali U18 tal-irġiel fil-kampjonat ewropew tal-FIBA filwaqt li kien l-assitent kowċ tat-tim nazzjonali tal-irġiel li dejjem fl-2023 rebaħ il-midalja tal-fidda fil-Logħob tal-Pajjiżi ż-Żgħar tal-Ewropa li saru f’Malta.
