Navalny kien se jinħeles mill-ħabs bi qbil li jitpartat ma’ ħabsi ieħor

Alexei Navalny kien se jinħeles mill-ħabs bi qbil li jitpartat ma’ ħabsi ieħor meta hu miet.

Dan skont alleata ta’ Navalny, Maria Pevchikh.

Hi spjegat kif il-kritiku ta’ Putin, Navalny, kien se jitpartat mal-ħabsi Vadim Krasikov, hitman Russu li qed iservi ħajtu l-ħabs għal qtil fil-Ġermanja.

Żewġ ċittadini Amerikani li qed jinżammu r-Russja wkoll kienu parti mill-qbil.

Hi żiedet tgħid li n-negozjati kienu waslu fl-aħħar stadju tagħhom fil-15 ta’ Frar.