L-ekonomija fir-Renju Unit daħlet f’riċessjoni

Ċifri uffiċjali fir-Renju Unit juru li l-ekonomija f’dan il-pajjiż daħlet f’riċessjoni.  

Dan hekk kif fl-aħħar kwart tas-sena l-oħra, jiġifieri bejn Ottubru u Diċembru, l-ekonomija tar-Renju Unit naqset b’0.3%. Dan filwaqt li fil-kwart ta’ qabel, jiġifieri bejn Lulju u Settembru, l-ekonomija f’dan il-pajjiż naqset b’0.1% 

Ekonomija tiġi kklassifikata f’riċessjoni, hekk kif tonqos f’żewġ kwarti konsekuttivi.