Ordnata l-evakwazzjoni tal-ikbar sptar fin-naħa t’isfel ta’ Gaza

Qed ikun irrapportat li l-forzi Iżraeljani ordnaw lil eluf ta’ persuni biex jevakwaw l-ikbar sptar fin-naħa t’isfel tal-Istrixxa ta’ Gaza.

Filmati juru folol kbar joħorġu mill-kumpless mediku ‘Nasser’ f’Khan Younis.

Il-militar Iżraeljan qal li fetaħ rotta sigura għan-nies ċivili, iżda m’għandux intenzjoni li jevakwa pazjenti jew mediċi.

Tobba u uffiċjali tas-saħħa qalu li fl-aħħar jiem kien hemm bosta fatalitajiet f’attakki minn Iżrael, hekk kif issokta l-ġlied bejn truppi ta’ Iżrael u l-Hamas fl-inħawi tal-isptar, li skont il-Ġnus Magħquda ilu taħt attakk għall-aħħar ġimgħa u bilkemm jista’ jopera.