”Proset veru sabiħ. Proset lill-atturi kollha”
”Proset ħafna mid-dehra ha jkun bellezza”
”L-ewwel wieħed u ġa sabiħ”
Dawn huma ftit mill-mijiet ta’ kummenti li nkitbu fuq il-mezzi soċjali ta’ JACKPOT 4 wara li ntemm l-ewwel episodju tat-tieni staġun. Jidher li l-istennija għat-tieni staġun ħalliet rispons pożittiv hekk kif bosta stennew l-Erbgħa filgħaxija biex isegwu kif se tiżvillupa l-istorja għal din is-sensiela li qed tixxadnar esklussivament fuq ONE.
L-ewwel episodju ta’ dan it-tieni staġun ħalla lil bosta bil-kurżita’ hekk kif Alex, il-Prim Ministru, mal-problemi u t-taħwid kollha li għandu, flimkien ma’ martu ħadu l-aħbar li qed jistennew tarbija. Din l-aħbar ħasdet bil-wisq lil mart il-Prim Ministru. X’se jiġri? X’se naraw fit-tieni episodju?
It-tieni episodju tat-tieni staġun se jixxandar l-Erbgħa 7 ta’ Frar fit-8:35pm
