Is-suċċess ta’ BRILLANTI MUSICALS huwa indiskutibbli għaliex ta’ kull nhar ta’ Ħamis eluf ta’ Maltin u Għawdxin qed jingħaqdu ma’ Joseph Chetcuti u t-tim sabiex jgħixu mumenti emozzjonanti hekk kif jitpaxxew bit-talent Malti u Għawdxi fl-aqwa tiegħu.
Din il-ġimgħa, BRILLANTI MUSICALS jidħol fir-raba’ ġimgħa tal-awdizzjonijiet. It-talent huwa għoli mmens, is-simpatija taż-żgħażagħ applikanti hija unika u l-eċitament li jinħass fit-teatru ta’ Dar il-Mediterran Għall-Konferenzi huwa għoli immens hekk kif iż-żgħażagħ ta’ BRILLANTI MUSICALS jippreparaw sabiex jaffaċċaw lit-tliet membri tal-ġurija; Charles Brunton, Marco Stabile u Marina Maniglio!
Min ser jgħaddi din il-ġimgħa għall-fażi li jmiss? Tgħid iċ-ċkejkna Leah ser tisraq il-qlub tal-ġurija? Kien ‘worth it’ li Nathaniel jinżel mill-Ingilterra għall-awdizzjoni? X’ġaralha l-brava Brihanna lejn l-aħħar tal-awdizzjoni tagħha? U s-simpatika Shaznay tgħid tgħaddi għall-fażi li jmiss? U għala Marina Maniglio iddeċidiet li titla’ fuq il-palk waqt l-awdizzjoni taċ-ċkejkna Victoria?
Iva il-programm ta’ din il-ġimgħa ser ikun mimli sorpriżi u mumenti mhux mistennija, verament napprezzaw it-talent taż-żgħażagħ fl-aqwa tiegħu u ser taqblu żgur ma’ Joseph u t-tim tiegħu li ħafna miż-żgħażagħ huma xejn ħlief Brillanti.
