Ajruplan militari Russu ġġarraf fin-naħa t’isfel ta’ Belgorod, fir-reġjun mal-fruntiera mal-Ukrajna.
Minn tal-inqas ħamsa u sittin priġunier tal-gwerra Ukreni li kienu fuqu mietu, skont il-Ministru tad-Difiża Russu.
L-aġenzija tal-aħbarijiet Ria Novosti qalet li kien hemm disa’ persuni oħra abbord, inkluż sitt membri tal-ekwipaġġ.
Id-dettalji tan-nies li kienu fuq l-ajruplan għadhom ma ġewx ivverifikati.
Fil-fatt hemm rapporti li qed jgħidu li l-ajruplan kien qed iġorr missili għas-sistemi tal-ajru tar-Russja, u ma semmewx priġunieri tal-gwerra.
Rapporti fil-midja Ukrena ssuġġerew li l-ajruplan tniżżel mill-forzi Ukreni, iżda dawn ir-rapporti tneħħew ftit ħin wara.
Il-Gvernatur Reġjonali ta’ Belgorod, Vyacheslav Gladkov qal li huwa konxju tal-“inċident”, iżda ma tax dettalji.
