Isir l-ewwel avveniment tas-sena tar-Royal Malta Yacht Club

Ir-Royal Malta Yacht Club nieda l-kalendarju tal-avvenimenti tiegħu tal-2024 bl-ewwel avveniment tal-EurILCA Masters Series aktar kmieni din il-ġimgħa.

Il-EurILCA Master Series hija sensiela ta’ regatti li jsiru matul is-sena f’diversi postijiet madwar l-Ewropa u hija miftuħa għall-baħrin il-fu       q mill-età ta’ 30 sena. L-avveniment, li ġie ospitat f’Malta għar-raba’ darba jiġbed kompetizzjoni intensiva fuq l-ilma iżda huwa magħruf għall-attivitajiet soċjali. Dan jagħmilha avveniment estremament popolari fil-Kalendarju Ewropew tal-ibburdjar.

Filwaqt li l-ewwel ġurnata tat-tlielaq kienet ikkaratterizzata minn temp ħażin u  u xitai, iż-żewġ flotot – ILCA 6 u ILCA 7 setgħu jikkompetu fi tliet tiġrijiet. It-tieni jum rat riħ mill-Majjistral jolqot il-korsa, u b’imbatt moderat li kien ta’ sfida iżda madankollu komplew jtellqu f’tliet tiġrijiet. L-aħħar ġurnata rat temp xemxi i iżda r-riħ beda jonqos matul il-ġurnata. Bdil konsiderevolli fid-direzzjoni tar-riħ bejn l-ewwel u t-tieni tigrija fisser li l-Kumitat tat-Tlielaq kellu jgħamel xi tibdil mill-gdid fil-korsa bejn l-ewwel u t-tieni tigrija.

Il-Klassi ILCA 6 rat lil Ian Jones (GBR) jilħaqq il-quċċata wara li pproduċa riżultati konsistenti. Ir-rebħa kienet determinata fl-aħħar ġurnata tat-tiġrijiet peress li punt biss isseparah lir-rebbieħ tal-Klassi tas-sena l-oħra Niall Peelo (GBR). Jones rebaħ b’ ħames punti distakk bejnu u bejn Peelo. Fit-tielet post kien Max Hunt (GBR).

Ir-rebbieħ tal-Klassi ILCA 7 kien Mark Lyttle (GBR) li kellu ġirja qawwija biex żamm distakk sod quddiem kontendenti oħra tal-podju Alan Davis (GBR) u Andrey Malygin (MDA). Id-dinamika tat-tlielaq ħadet xejra mhux mistennija fl-aħħar ġurnata. Sat-tieni ġurnata, Davis kien żamm fil-vantaġġ fuq il-Moldovan Malygin. Madankollu, l-ispettaklu  li żvolġi fl-aħħar jum tal-kompetizzjoni, ra lil Malygin juril-ħila tiegħu billi kiseb it-tielet post fl-ewwel tiġrija u kiseb l-ewwel f’dik ta’ wara. Dan ir-riżultat wasslu biex jikseb it-tieni post, żewġ punti biss distakk fuq Davis. L-azzjoni mhux biss żiedet vantaġġ eċċitanti għat-tiġrijiet iżda wkoll għelbet l-aspirazzjonijiet tal-Gran Brittanja għal podju komplut.

“Konna kuntenti ħafna li nilqgħu flotta internazzjonali oħra f’Malta u fir-Royal Malta Yacht Club. Kien sabiħ li wieħed jara uċuħ familjari jagħmlu ritorn fi xtutna kif ukoll  ħafna uċuħ ġodda li wiegħdu li jirritornaw Malta fil-futur qarib” irrimarka David Cremona, Commodore Royal Malta Yacht Club.

Il-premjijiet lir-rebbieħa ingħataw waqt ikla organizzata mir-Royal Malta Yacht Club fil-preżenza ta’ David Cremona, RMYC Commodore, Michael Mifsud, CEO – Yachting Malta u Trevor Millar, Fundatur Sailcoach.

Ir-Royal Malta Yacht Club esprima l-gratitudni tiegħu lil dawk kollha involuti, partikolarment lill-Kumitat tat-Tlielaq li kien immexxi mill-Uffiċjal tat-Tlielaq Martin Azzopardi u assistit minn Neity Maddock u Michael Mifsud, Sailcoach u Yachting Malta Ltd li appoġġjaw l-avveniment.

EurILCA Masters Series – Malta Riżultati

ILCA 6 – Overall

ILCA 7