L-assoċjazzjoni maltija tal-Basketball ħatret lil Charles Bonnici bħala l-kowċ il-ġdid tat-team nazzjonali malti talBasketball tan-Nisa. Huwa se jieħu post Angela Adamoli li se tkun qed itemm il-kariga tagħha wara diversi snin.
Charles Beonnici għandu karriera sabiħa ta’ riżultati pożittivi f’kompetizzjonijiet lokali u għandu l-kredenzjali kollha sabiex jaqsam l-esperjenza tiegħu fil-Basketball mat-team nazzjonali femminili. Fi stqarrija l-assocazzjoni maltija tal-Basketball qalet li Charles Bonnici għandu l-kredenzjali kollha sabiex irawwem u jispira t-talent lokali bil-għan li l-livell ta’ din il-logħba jkompli jikber.
Fl-istess stqarrija, l-assoċjazzjoni Basketball irringrazzjat lil Angela Adamoli għas-servizz twil li tat lill-Basketball tan-Nisa u li wassal ukoll għal bosta riżultati pożittivi.
