FA Trophy
Ir-rawnd tal-aħħar 32 tal-FA Trophy beda jintlagħab nhar il-Ħamis li għadda.
Santa Lucia vs Marsa
Fic-Centenary Stadium Santa Lucia għelbu lil Marsa bl-skor ta’ 2 – 0. Kien Alessio Piazza li wara kwarta logħob poġġa lil Santa Lucia fil-vantaġġ b’Aleksa Mrdja fil-48 minuta jagħmilhom 2 – 0 biex b’dan ir-riżultat ġiet fit-tmiema l-logħba, konfront li kien ikkontrollat minn Fyodor Zammit.
Matul il-ġurnata tas-Sibt intlagħbu xejn anqas minn seba logħbiet oħra.
Birkirkara vs Attard
Fic-Centenary Stadium is-Sibt wara nofsinhar Birkirkara għelbu lil Attard 3 – 1 f’konfront ikkontrollat minn Olucha Slawomir. Birkirkara fethu l-iskor fil-61 minuta meta minn freekick mogħti minn Alexander Satariano, Maxuel Maia b’daqqa ta’ ras tefa’ l-ballun fir-rokna tax-xibka. Vantaġġ li Birkirkara damu jgawdu għal sitt minuti biss għaliex fis-67 minuta Attard skurjaw il-goal tad-draw meta Camilo Escobar Del Castillo qabad lill-goalkeeper Sylla barra minn postu u b’xutt minn aktar minn 60 metru bogħod irnexxielu jiskorja.
Madankollu Birkirkara ma damux ma reġgħu marru fil-vantaġġ, eżattament fit-73 minuta meta ngħataw penalty għal foul fil-kaxxa fuq Maxuell Maia u Andrei Ciolacu ma falliex mill-11-il metru ħhat-tieni goal Karkariz.
Birkirkara ssiġġillaw ir-rebħa fil-ħin miżjud meta d-difensur ta’ Attard Jake Micallef tefa’ l-ballun fix-xibka tiegħu stess fit-tentattiv li jwaqqaf lil Maxuell Maia jikkonkludi minn pass ta’ Paul Mbong.
Floriana vs Naxxar
Fit-Tony Bezzina Stadium Floriana rebħu 2 – 0 kontra Naxxar Lions f’logħba li kienet ikkontrollata minn Matthew Degabrielle. Floriana fil-vantaġġ kontra x-xejra tal-logħob fl-24 minuta meta l-ewwel xutt ta’ Kemar Reid ġie mblukkat mid-difiża Naxxarija, biex mir-rebpund, Matias Nicolas Garcia permezz ta’ xutt b’saħħtu mid-distanza ma ta l-ebda ċans lill-goalkeeper żagħżugħ ta’ Naxxar, Matthias Debono, bil-ballun jintemm fis-saqaf tax-xibka.
Floriana ssiġillaw ir-rebħa permezz tat-tieni goal fil-ħin miżjud meta f’kontrattakk veloċi, Matheus De Sousa avvanza tajjeb u wiċċ imb’wiċċ ma’ Debono, tefa’ ġewwa ghħal 2 – 0.
Zabbar St. Patrick vs Zebbug R.
Fil-Victor Tedesco Stadium Zebbuġ għelbu lill-Zabbar 2 – 1 f’logħba kkontrollata minn Joseph Scerri.
Duvan Mosquera Torress poġġa lill-Zebbug Rangers fil-vantaġġ minn penalty fil-39 minuta iżda ż-Żabbarin ġabu l-gowl tad-draw erba minuti wara permezz ta’ Brian Ariel Gamberte biex l-ewwel taqsima intemmet 1 -1. Il-partita dehret li se tmur għal ħin barrani żda l-akkwist il-ġdid Johann Bezzina skorja l-gowl tar-rebħa għal Żebbuġ biex b’hekk avvanzaw għar-rawnd li jmiss.
Mosta vs Pieta
Fit-tieni partita fic-Centenary Stadium is-Sibt wara nofsinhar Mosta għelbu lil Pieta Hotspurs bl-skor ta’ 5 – 1 f’logħba li kien ikkontrollata minn Slobodan Petrovic.
Mosta fethu l-iskor fl-ewwel azzjoni li ħolqu fit-23 minuta meta Thomas Shedrack Tegwi kkrossja u Naji Christian Ndubuisi bir-ras għeleb lill-goalkeeper Reeves Cini.
Pieta’ skurjaw il-goal tad-draw fil-31 minuta meta l-goalkeeper Ciappara salva imma ma żammx xutt ta’ Leonardi biex Hibiki Mochizuki minn qagħda ideali spara l-ballun fix-xibka.
Madankollu Mosta reġgħu marru fil-vantaġġ fis-37 minuta meta l-goalkeeper Cini mblokka xutt ta’ Gianluca Sciberras biex mir-rebound Precious Tenebe ma falliex.
Mosta fetħu fuq l-attakk fit-tieni taqsima u ma damux ma kabbru l-vantaġġ. Fit-48 minuta Precious Tenebe skorja t-tieni goal personali wara xogħol tajjeb ta’ Armen Hovhannisyan biex għamel l-iskor 3-1.
Ħames minuti wara, fit-53 minuta, wasal saħansitra r-raba’ goal Mosti li gie skurjat minn Naji Christian Ndubuisi b’azzjoni personali.
Pieta baqgħu jagħfsu fit-tentattiv li jnaqqsu l-marġini ta’ l-iskor imma fit-68 minuta Mosta komplew ikabbru l-vantaġġ b’goal skurjat minn Jean Paul Farrugia li kien għadu kif daħal bħala sostitut.
Msida vs Mġarr U.
Fit-tieni logħba tal-Victor Tedesco Stadium Mġarr għelbu lill Msida 3 – 1 f’logħba li kien ikkontrollata minn Vladimir Rizoski.
Mgarr fil-vantaġġ wara għaxar minuta b’goal skorjat min Nicholas Schembri. Fil-26 minuta Christian Saint Ebsindor għamel l-skor 2 – 0 favur Mgarr biex sat-tmiem l-ewwel taqsima l-skor kien dak ta’ 2 – 0.
Il-veteran Jean Pierre Mifsud Triganza naqqas id-distakk għal Msida fil-65 minuta b’Ebsindor jirnexxilu jagħmel doppjetta personali mat-tokki tad-90 minuta biex b’hekk Mgarr rebħu l-konfront 3 – 1.
Marsaxlokk vs Zejtun
Fit-tieni u l-aħħar logħba fit-Tony Bezzina Stadium tas-Sibtr Marsaxlokmk għelbu lill-ġirien Żejtun 5 – 0 f’logħba kkontrollata minn Glen Tonna.
Ix-Xlukkajri fil-vantaġġ fil-26 minuta hekk kif Yuri de Jesus Messias dar tajjeb ma’ difensur avvensarju qabel ma permezz ta’ xutt fil-baxx tefa’ l-ballun fir-rokna tax-xibka.
Kulma jmur kompla d-dominju assolut ta’ Marsaxlokk u fil-35 minuta, irduppjaw l-iskor meta Sunday Akinbule avvanza tajjeb u b’xamma kbira għall-goal, tefa’ l-ballun wara l-goalkeeper ta’ Zejtun, Andy Gilson.
Filf-ftuħ tat-tieni taqsima, Marsaxlokk komplew fejn ħallew fl-ewwel taqsima u fit-53 minuta għamluhom tlieta meta Yuri De Jesus Messias twaqqa’ minn player avversarju fil-kaxxa, iżda r-referee Glen Tonna flok ordna l-penalty, ta l-vantaġġ, bil-ballun jintemm għand Samuel Boakye li minn taħt il-lasta spara ġewwa.
Ix-Xlukkajri komplew jiddominaw u fil-65 minuta, skorjaw ir-raba’ goal permezz ta’ xutt mill-viċin ta’ Jacob Walker li ma ta l-ebda ċans lil Gilson.
Marasaxlokk issiġillaw ir-rebħa permezz tal-ħames goal fit-80 minuta, permezz ta’ daqqa ta’ ras mill-viċin ta’ Diego Pires Dall’Oca, li ma tat l-ebda cans lil Gilson.
Hamrun vs Lija
Hamrun għelbu lil Lija fl-aħħar partita tas-Sibt bl-skor ta’ 3 – 0.
L-Spartans għamlu l-intenzjonijiet tagħhomn ċari mill-bidu net tant li wara biss disa minuti huma marru fil-vantaġġ permezz ta’ Uros Duranovic bl-ewwel taqsima tintemm 1 – 0.
Hamrun għalqu l-partita fl-aħħar għoxrin minuta tal-konfront meta Kean Scicluna fil-72 minuta irnexxilu jsib ix-xibka bit-tielet goal jiġi skorjat mis-solitu Luke Montebello fl-84 minuta.
