Ajruplan b’inżul t’emerġenza wara li żviluppa ħsara fir-roti

Tard il-Ħadd filgħaxija, ajruplan tat-tip Boeing 747 kellu jgħamel inżul t’emerġenza fl-Ajruport Internazzjonali ta’ Malta.

L-ekwipaġġ tal-ajruplan ddikjara l-emerġenza ftit tal-ħin wara t-tluq tiegħu minn Malta wara li għal xi raġuni r-roti tal-ajruplan ma setgħux jidħlu f’posthom.

Kien hawn li l-ekwipaġġ tal-ajruplan tal-merkanzija dar lura lejn pajjiżna fejn għamel inżul t’emerġenza b’mod sigur.