Fl-ewwel jum tas-sena l-ġdida, ONE, jingħaqad mad-Dar tal-Providenza sabiex f’diversi ħinijiet mill-ġurnata tixxandar il-FESTA TA’ ĠENEROŻITA’, filwaqt li fl-ewwel lejl tas-sena, ser nesperjenzaw l-ewwel eliminazzjoni waqt MALTA’S ULTIMATE TATTOO CHALLENGE
It-Tlieta, 2 ta’ Jannar minnflok il-programm Indigo, fit-3:40pm ser tixxandar ir-rapreżentazzjoni ta’ SIMPATIĊI, li saret fl-Istitut Kattoliku. Filwaqt li fis-6:30pm se jerġa jixxandar il-programm l-2023 FL-AĦBARIJIET
Fit-2 ta’ Jannar, fit-8:35pm is-serata ser tkun iddedikata għall-film lokali KLASSI GĦALINA VS DRAGULA li b’mod esklussiv se jkun qed jixxandar għas-segwaċi ta’ ONE.
Mill-Erbgħa 3 ta’ Jannar jirritorna ONE BREAKFAST, u f’dawn il-jiem ta’ vaganzi, ONE ikompli b’aktar programmi speċjali. Infatti f’12pm jixxandar l-ispettaklu taż-żfin MOTION IN PICTURE imtella’ minn Paul Curmi Dance Company. Fis-5:40pm tibda sensiela ta’ programm ġdid MID-DURA filwaqt li fit-8:35pm dokumentarju mill-aktar interessanti u esklussiv għal ONE, bl-isem IL-ĦBIEB TAL-KELB.
Għal dawk li se jkunu tilfu x-xandira lejlet l-ewwel tas-sena, OPERA IN THE CITY – THE THREE TENORS se jerġa’ jintwera l-Ħamis 4 ta’ Jannar fis-1pm, filwaqt li fit-8:35pm il-produzzjoni ta’ THE PHONENCIANS. Il-Ġimgħa 5 ta’ Jannar fit-8:35pm jixxandar l-ewwel episodju mis-sensiela komika ġdida GĦAQDA GĦOQDA li se tibda tixxandar kull nhar ta’ Ġimgħa fuq ONE
