Tifla ta’ 13-il sena ssofri minn ġrieħi gravi wara li sieqha inqabdet bejn karru ta’ jetski u ħajt

Tifla ta’ 13-il sena weġġgħet gravi wara li meta sieqha inqabdet bejn karru ta’ jetski u ħajt waqt li l-karru kien qed jiddaħħal fil-garaxx. 

Il-każ seħħ ilbieraħ għall-ħabta tal-ħamsa ta’ waranofsinhar f’garaxx ta’ residenza fi Triq il-Qalliet, Marsaskala.  

Il-vittma ngħatat l-għajnuna minn tim mediku u ttieħdet l-Isptar Mater Dei b’ambulanza, fejn ġiet iċċertifikata bi ġrieħi gravi. L-investigazzjonijiet tal-Pulizija dwar dan l-inċident għadhom għaddejjin.