Fl-ewwel partita tal-Ħadd fic-Centenary Stadium Sliema Wanderers temmew l-aħħar impenn tagħhom għas-sena 2023 b’rebħa konvinċenti ta’ 4-1 kontra Naxxar Lions, li kienet wkoll r-raba’ rebħa konsekuttiva tat-tim Slimiż.
Sliema fetħu l-iskor fl-ewwel azzjoni denja ta’ nota mal-kwarta logħob meta minn kross, d-difiża ta’ Naxxar naqset milli tbiegħed l-periklu, bil-ballun spiċċa għand Edmond Agius li waħdu quddiem l-goalkeepeer ta’ Naxxar Matthias Debono tefa’ l-ballun fix-xibka.
Naxxar spiċċaw jilgħabu b’għaxar plejers fil-37 minuta meta William Moreira da Silva ġie muri l-karta l-ħamra diretta mir-referi Malcolm Spiteri. Ħames minuti wara u Sliema resqu viċin li jkabbru l-iskor meta kien Vito Plut li rċieva pass preċiz u wara li avvanza, waħdu quddiem l-goalkeeper Debono tefa’ l-ballun barra. Sekondi biss wara mill-ġdid Sliema meta kien Denis Koauo li temm azzjoni personali b’xutt li kien salvat mingħajr ebda problemi mil-goalkeeper ta’ Naxxar.
Mat-tokki tal-45 minuta kienu Naxxar li wieġbu meta Takumu Yamaguchi għadda ballun lejn Pablo Augusto Servo De Carvalho li fajjar xutt li għadda barra.
U hekk kif kollox deher li l-ewwel taqsima kienet ser tintemm 1-0, l-blues kellhom ideat oħra dan hekk kif fil-ħin mizjud kien Edmond Agius li għadda ballun lejn Vito Plut li wara li dar tajjeb, tefa’ l-ballun fir-rokna tax-xibka għal 2 – 0.
L-ewwel azzjoni tat-tieni taqsima waslet fl-54 minuta min Naxxar, fejn saħansitra naqsu d-distakk. Kien pass ta’ Maicon De Souza Da Silva lejn Nikolai Micallef, li waħdu qudidem l-goalkeeper Rasheed Al Tumi tefa’ l-ballun fix-xibka mingħajr ebda problemi.
Madankollu r-riżultat mill-ġdid jinbidel ħames minuti wara fejn Sliema reġgħu fetħu vantaġġ doppju meta l-plejer Geoffrey Edwin Acheampong irċieva ballun tajjeb u fajjar xutt li spiċċa wara l-goalkeeeper Debono biex l-iskor sar 3-1. Żewġ minuti wara u reġgħu Sliema permezz ta’ Samuel Gomez Da Mata li avvanza bil-ballun u appena daħal fil-kaxxa l-ballun spiċċa għand Vito Plut li kellhu xutt salvat b’mod temporanju mill-goalkeeper Naxxari, biex mir-rebound kien Geoffrey Edwin Acheampong li x-xuttja għoli.
Fit 63 minuta reġgħa kien Geoffrey Edwin Acheampong għal blues li wara pass ta’ Samuel Gomez Da Mata prova xutt li ntemm barra. Sliema għamlu ċert mit-tlett punti fit-68 minuta bir-raba goal, fejn kien Myles Beerman li għadda ballun lejn Geoffrey Edwin Acheampong li b’xutt preċiz minbarra l-kaxxa tefa’ l-ballun fix-xibka għal skor finali ta’ 4 – 1.
Referee: Malcolm Spiteri
BOV Plejer tal-logħba: Geoffrey Acheampong (Sliema W.)
