Il-films Barbie u Oppenheimer jinsabu fil-quċċata tan-nominazzjonijiet għall-Golden Globe Awards; b’disa’ nominazzjonijiet għal Barbie u tmienja għal Oppenheimer.
Killers of the Flower Moon u Poor Things ukoll jinsabu fil-lista; b’seba’ nominazzjonijiet kull wieħed.
Emma Stone, Leonardo DiCaprio, Cillian Murphy u Da’Vine Joy Randolph huma fost l-atturi nominati.
Iċ-ċerimonja se ssir f’Los Angeles fis-sebgħa ta’ Jannar.
Succession, Only Murders in the Building, u The Crown, huma fost is-serje televiżivi nominati.
Għal xi żmien kien hemm spekulazzjonijiet li s-serata tant mistennija fid-dinja tal-ispettaklu tal-Golden Globes ma kinitx se tixxandar, wara li l-organizzaturi ma setgħux isibu partners fix-xandir minħabba diversi kontroversji.
Iżda riċentament intlaħaq qbil mal-istazzjon Amerikan CBS, li jxandar ukoll il-Grammy Awards. Iċ-ċerimonja se tixxandar ukoll fuq Paramount+.
