Frar fawwar jimla l-bjar jgħid il-Malti u tul dan ix-xahar wieħed jistenna ħalbiet tax-xita, minkejja li dawk li jħobbu l-Karnival jitolbu li jinzerta temp sabiħ.
Illum mistennija possibiltajiet ta’ ħalbiet tax-xita iżolati. Il-jum mistenni li jkun il-biċċa l-kbira msaħħab, bit-temperatura tilħaq is-16-il grad celcius.
Ir-riħ, li ġej mit-Tramuntana, mistenni jkun bejn Forza 3 u Forza 4 tul il-jum, u tul il-lejl jiżdied bejn Forza 4 u Forza 5.
Il-possibiltà ta’ ħalbiet tax-xita hi kawża ta’ pressjoni baxxa li mistennija tgħaddi minn fuq il-gżejjer Maltin f’ħakka t’għajn.
Il-kumplament tal-ġimgħa mistennija tkun bix-xemx mingħajr sħab. It-Tnejn u t-Tlieta se jkunu qed jgħatu ċans lil kull min iħobb il-Karnival biex igawdu l-jiem ta’ brijju.
Inant il-karnival mhux briju biss, iżda wirja ta’ talenti. Dan ir-ritratt eċċezzjonali tal-fotografu Jonathan Borg qabad mument meta ċkejkna bil-kostum għamlet wirja akrobatika.
