22 sena mit-telfa tal-Pulizija Roger Debattista li nqatel waqt hold-up ta’ bank f’Ħal Qormi

Illum jimmarka 22 sena mit-telfa traġika ta’ PC 949 Roger Debattista – il-Pulizija li ta ħajtu waqt il-qadi ta’ dmirijietu.

Kien fit-tnax ta’ Novembru tal-2001, li waqt hold-up f’bank f’Ħal Qormi, Roger inqatel meta sparawlu waqt li kien qed jaħdem biex jipproteġi l-komunità.

Dalgħodu, biswit membri mill-famillja ta’ Roger, uffiċjali għolja fil-Korp, fosthom il-Kummissarju tal-Pulizija Angelo Gafà, inġabru biswit il-monument ta’ Roger biex tingħata tislima xierqa lil dan l-uffiċjal.

F’kitba fuq il-midja soċjali, il-Korp tal-Pulizija qal li d-dedikazzjoni ta’ dawk li jservu u jieħdu ħsieb is-sigurtà ta’ ħaddieħor dejjem se tibqa’ mfakkra b’għożża.