Fl-ewwel partita tal-Ħadd, iċ-ċampjins renjanti Hamrun Spartans ġew miżmuma fid-draw ta’ 1 – 1 min Mosta biex b’hekk naqsu milli jieħdu l-massimu tal-punti f’dan il-konfront.
Kienu Ħamrun li kellhom l-ewwel azzjoni fil-partita wara 4 minuti meta minn corner l-ballun spiċċa għand Ognjen Bjelicic li ra x-xutt b’saħħtu tiegħu jkun mdawwar f’corner iehor mill-goalkeeper ta’ Mosta Akpan Udoh.
Fl-azzjoni sussegwenti minuta biss wara reġgħu l- Spartans meta kien Jonny Do Nascimiento li wara li avvanza prova xutt li ntemm ferm għoli.
Hamrun komplew fuq l-offensiva u fis-seba’ minuta mill-ġdid kienu l-Spartans permezz ta’ Ognjen Bjelicic li ra x-xutt b’saħtu tiegħu għal darboħra jkun mdawwar f’corner minn Akpan.
Fl-għaxar minuta freekick ta’ Luke Montebello għal Hamrun iżda Uros Djuranovic naqas milli jolqot l-ballun, bl-azzjoni tisfuma fix-xejn.
Fit-22 minuta l-Spartans spiċċaw b’plejer anqas meta r-referi Darryl Agius wera l-karta l-Ħamra lill-Joseph Mbong dan wara li r-raba’ uffiċjal ġibidlu l-attenzjoni dwar xi rimarki li seta’ għadda l-istess Mbong waqt li kien għaddej bil-warming up tiegħu wara l-lasti ta Bonello.
Man-nofs sigħa loghob waslet l-ewwel azzjoni ta’ Mosta meta kien freekick ta’ Clayton Failla li ntemm għoli.
Fil-35 minuta mill-ġdid Ħamrun meta kien Luke Montebello li tefa’ cross li sab lill-Jonny Do Nascimiento li kellhu l-konklużjoni tiegħu tintemm għoli. Tlett minuti wara u Hamrun fetħu l-iskor meta kien indeċiżjoni tal-goalkeeper Mosti Akpan li naqas milli jżomm l-ballun li spiċċa għand Uros Duranvic li tefa’ fix-xibka.
Fl-aħħar azzjoni tal-ewwel taqsima Mosta għamlu l-iskor indaqs meta minn azzjoni ta’ kontrattakk veloċi kien Nathan Agius li tefa’ kross perfett li sab lill-Kevin Tulimieri li bla problemi tefa’ l-ballun fix-xibka għal 1 – 1.
Mal-ftuħ tat-tieni taqsima kienu Hamrun li mill-ġdid ħarġu fuq l-offensiva meta wara azzjoni ta’ kross, kien Emerson Marcelina li kompla l-ballun bir-ras lejn Uros Duranovic li wara indeċiżjoni opposta tefa l-ballun fix-xibka iżda r-referi Darryl Agius ħassar l-istess gowl wara li deher li kien hemm foul fuq l-goalkeeper Mosti.
Għaxar minuti wara u reġgħu Ħamrun Spartans meta kien Roko Prsa minn corner u Uros Duranovic ra’ l-konkluzzjoni bir-ras tiegħu tispicca għoli.
Kwarta mit-tmiem u assistejna għal azzjoni oħra ta’ Mosta meta kien Kevin Tulimieri li ta’ ballun perfett lejn Eric Mensah li wara li avvanza waħdu falla ċans tad-deheb meta l-konklużjoni tiegħu għaddiet barra.
Fil-ħin miżjud tat-tieni taqsima Mosta spiċċaw b’plejer anqas meta Ndubuisi Nnaji ta’ Mosta ntwera żewg karti sofor u l-karta l-ħamra wara diversi protesti, biex b’hekk Mosta temmew l-logħba b’għaxar plejers.
Referee: Darryl Agius
BOV Plejer tal-logħba: Uros Duranovic (Hamrun)
