It-tim nazzjonali Malti tan-nisa rebaħ ir-raba partita tiegħu fil-UEFA Nations League tan-nisa meta t-Tlieta filgħaxija għeleb lill-Andorra 3 – 0 b’hat-trick ta’ Haley Bugeja.
B’din ir-rebħa Malta għada fl-ewwel post tal-klassifika ta’ League C Grupp1 bit-tnax il-punt.
Malta fil-vantaġġ fil-36 minuta meta wara li rcievit mingħand Cuschieri, Haley Bugeja d-depożitat l-ballun fix-xibka.
Erba minuti wara, Malta għamlet l-skor 2 – 0 meta minn azzjoni ta’ corner, Farrugia bir-ras kompliet lejn Bugeja li mill-ġdid xeħtet il-ballun fix-xibka.
Żewġ minuti wara, Haley Bugeja ġiet imwaqqa fil-kaxxa bir-referee Sofik Torosyan tordna penalty li minnhu lis-stess Bugeja sparat fix-xibka għal 3 -0.
It-tim nazzjonali Malti kien perikoluż anke fit-tieni taqsima u seta faċilment skorja iżjed goals iżda l-konfront intemm 3 – 0.
