Estiżi l-iskemi għax-xiri ta’ vetturi ġodda li jaħdmu bl-elettriku 

Fil-Baġit għas-sena d-dieħla se jiġu estiżi l-iskemi għax-xiri ta’ vetturi ġodda, inkluż muturi li jaħdmu bl-elettriku. Se tiġi estiża wkoll l-għotja għall-iskema tal-iskrappjar ta’ vetturi antiki. 

Se terġa’ tiġi l-għotja għal min jaqleb il-vettura tiegħu biex taħdem bil-gass minflok il-fuel.  

L-iskema għall-vetturi aċċessibbli b’wheechair, li jintużaw bil-ġarr tal-passiġġieri bil-kiri jew b’kumpens se tiġġedded ukoll.  

Se tingħata wkoll għajnuna finanzjarja għal min jixtri e-kick scooter personali. 

Vetturi elettriċi u plug-in hybrid, li jkollhom awtonomija ta’ 50 kilometru, se jibqgħu jiġu eżentati mit-taxxa ta’ reġistrazzjoni u eżenti mill-ħlas tal-liċenzja tat-triq għall-ewwel ħames snin.