Kreditu tat-taxxa sa €500 lill-ażjendi li jagħtu donazzjonijiet lil għaqdiet oħrajn 

Dawk l-ażjendi li jagħtu donazzjonijiet lill-organizzazzjonijiet volontarji ser jingħataw kreditu ta’ taxxa fuq donazzjonijiet sa massimu ta’ €500.

Dan tħabbar mill-Ministru Clyde Caruana fil-baġit fejn stqarr li dan qed isir bil-għan li jkompli jissaħħaħ il-qasam tal-volontarjat f’pajjiżna. 

B’rabta ma’ dan is-settur ħabbar ukoll li, tul is-sena d-dieħla, se jkun qed jinfetaħ one-stop-shop ieħor għal dawn l-għaqdiet, din id-darba fin-Nofsinhar ta’ Malta biex ikompli jiġi ffaċilitat il-mod li dawn jaħdmu bih.