Fit-tieni partita tal-Ħadd fic-Centenary Stadium, Floriana ġew minn wara biex kontra Gudja United ħadu punt fid draw ta’ 1-1 f’partita li kienet ikontrollata mir-referi Ezekiel Barbara.
L-ewwel azzjoni tal-partita waslet wara kwarta logħob minn Gudja United meta kien freekick ta’ Shaisen Attard li spiċċa għand Brenner Do Santos li kellhu d-daqqa ta’ ras tiegħu li għaddiet ftit barra.
Fl-24 minuta wieġbu Floriana meta kien Alexandros Kouro li ra l-freekick tiegħu jkun mdawwar f’corner mill-goalkeeper ta’ Gudja Yaren Izzet Sozer.
Erba minuti wara u reġgħu kienu Floriana meta minn azzjoni ta’ freekick l-ballun spiċċa għand Jose Ulesis Arias li wara li avvaza, x-xutt tiegħu ntemm ftit barra.
Fl-34 minuta u mill-ġdid Floriana meta wara azzjoni ta’ korner kien hemm taħwida fil-kaxxa u finalment kien El Hasni li xxutja barra. Żewġ minuti wara wieġbu Gudja permezz ta’ freekick ta’ Matias Muchardi li kien salvat minn Georgi Kitanov.
Hames minuti minn tmiem l-ewwel taqsima u kien Matias Garcia ra’ l-konklużjoni tiegħu tkun mblukkata mil-goalkeeper ta’ Gudja.
Fl-aħħar azzjoni ta’ l-ewwel taqsima kienu Floriana li attakkaw meta Adam Magri Overend kellhu xutt li kien salvat tajjeb minn Sozer ta’ Gudja.
Tlett minuti mil-ftuħ tat-tieni taqsima u Gudja United fetħu l-iskor meta kien corner ta’ Mattias Muchardi li sab lill- Conor Borg li b’daqqa ta’ ras minn taħt l-lasta tefa’ ballun fix-xibka.
Wara dan l-goal, kif mistenni Floriana tefgħu kollox fuq l-attakk iżda Sozer kien strumenali biex l-iskor baqgħa ma nbidilix sas-70 minuta hekk kif f’dan il-mument Floriana ġabu l-iskor indaqs.
Kien Carlo Zammit Lonardelli li krossja u Maksin Valadzko daħal qalb diversi plejers u xeħħet l-ballun fix-xibka għal 1 – 1.
Tmien minuti mit-tmiem u reġgħu Floriana meta kien Jose Arias li krossja iżda Matheus Sousa laqat l-ballun ħażin biex l-azzjoni sfumat fix-xejn.
Fl-84 minuta wieġbu Gudja permezz tas-sostitut Zak Grech li ra x-xutt tiegħu jkun salvat tajjeb mill-goalkeeper Furjaniz.
Erbgħa minuti mit-tmiem u Floriana fuq l-attakk meta kien Mattia Veslji li tefa kross fil-baxx, u Matheus Sousa ra t-tentattiv tiegħu jkun salvat minn Yaren Izzet Sozer.
Fl-aħħar azzjoni tal-logħba fil-ħin miżjud kienu Floriana permezz ta’ Lorenzo De Grazia li ra x-xutt baxx tiegħu jkun salvat mill-goalkeeper.
Referee: Ezekiel Barbara
BOV Plejer tal-partita : Maksin Valadzko (Floriana)
