Il-Gozo Motocross Association organizzat l-ewwel round tal-kampjonat tagħha immexxi mill-Enemed nhar il-Ħadd 22 ta’ Ottubru 2023 fil-Motocross Track Ta Xhajma.
Fi Klassi A, ddomina l-ġurnata Mario Cauchi, segwit minn Steve Xuereb, filwaqt li fi klassi B daħal l-ewwel Matthew Buttigieg, rebbieh tal-Klassi C fil-kampjonat 2023, u dan kien segwit mid-debuttant Roderick Cauchi.
Sadanittant il-klassi C intrebħet minn membru sewwieq ġdid Chris Farrugia. Fit-tieni post Jake Vella akkwista t-tieni post filwaqt li t-tielet daħal Scott Donovan.
Intant il-klassi Junior intrebħet minn Trystn Theuma. Hu kien segwit minn Matthias Sultana u fit-tielet post daħal Diego Panza.
Ir-rebbieħa ngħataw trofej sponsorjati minn ClimaServ u gew pprezentati mit-tezorier tal-ghaqda, James Camilleri. It-tieni round ta’ dan il-kampjonat se jsir fid-19 ta’ Novembru 2023.
