Swieqi Braves telgħu waħedhom fl-ewwel post tal-klassifika tal-kampjonat tal-Ewwel Diviżjoni tal-MAFA hekk kif b’gowl uniku skorjat f’nofs it-tieni taqsima kien biżżejjed sabiex jirbħu liċ-champions Senglea Gunners.
Ma’ kinitx xi logħba daqshekk pjaċevoli speċjalment fl-ewwel taqsima bil-logħob li beda jiżvolġi f’nofs il-grawnd.
Fit-tieni taqsima, il-pjan tal-logħba qajla nbidel għalkemm fil-51 minuta, Swieqi Braves marru minn fuq fejn wara kontrattakk veloċi, kien Yuri Barboza li xeħet wara l-goalkeeper Jurgen Cilia.
Referee kien Reno Galea.
Balluta Barracudas baqgħu jżommu l-konsistenza tagħhom fl-ogħla diviżjoni hekk kif għelbu lil Valletta Stars St Dominic 3-1.
Din kienet it-tieni rebħa konsekuttiva għat-tim immexxi minn Shaun Tortell wara r-rebħa kontra Valletta St Paul’s il-ġimgħa l-oħra.
Balluta marru minn fuq eżatt lejn tmiem l-ewwel taqsima permezz ta’ Kain Gauci sabiex fit-tieni taqsima żiedu tnejn oħra permezz ta’ Jake Chetcuti li skorja doppjetta.
Lejn l-aħħar tal-logħba, Valletta Stars ingħataw penalty li ġie skorjat minn Mohamed Abdoukadir.
Referee kien Peter Abela.
Fit-tieni diviżjoni, il-leaders Għaxaq Wolves sfaw miżmuma fi draw ta’ 1-1 minn Attard Edex Kings.
Żebbuġ Youngsters kisbu l-ewwel punt tal-istaġun meta ġew draw ta’ 1-1 kontra Gudja Wanderers.
Mill-kampjonat tat-tielet diviżjoni, Naxxar Victorians u Ħamrun Amateurs temmew il-konfront ta’ bejniethom fi draw ta’ 0-0.
KLASSIFIKA – MAFA L-EWWEL DIVIŻJONI
Swieqi Braves 7, Balluta Barracudas 6, San Ġiljan Saints, Marsa St Michael 4, Valletta St Paul’s, Senglea Gunners 3, Valletta Stars 1, San Ġwann Pro Evolution Academy 0.
KLASSIFIKA – MAFA IT-TIENI DIVIŻJONI
Għaxaq Wolves 7, Gudja Wanderers 5, Attard Edex Kings 4, Ta’ Ġiorni Wanderers 3, Mqabba Albions, Birkirkara St Joseph 2 Żebbuġ Youngsters, Buġibba Club de SWAT 1.
KLASSIFIKA – MAFA IT-TIELET DIVIŻJONI
Ħal Far Titans 6, Ħamrun Amateurs, Naxxar Victorians 4, Mosta Vikings, Kalkara Flames 0
