Għaddew iktar minn 24 siegħa mill-bidu tal- 44 edizzjoni tar-Rolex Middle Sea Race u stampa iktar ċara qed tibda tiżviluppa. Il-flotta nfirxet matul il-korsa, bil-multihulls fuq quddiem fi triqthom lejn Favignana. Għad hemm jottijiet fi qrib tal-Etna, aktar minn 200 mil nawtiku warajhom. Wara bidu bil-mod għal ħafna klassijiet ilbieraħ, ir-riħ qabad wara nofsinhar għall-passaġġ lejn Sqallija, hekk kif ir-riħ beda ġej mill-majjistral. Matul il-lejl ħafna mill-jottijiet esperjenżaw kundizzjonijiet difficli ħdejn l-kosta tal-lvant ta’Sqallija.
Sal-erba ta wara nofsinhar tal-Ħadd 22 ta’ Ottubru, Limosa, il-MOD70 misjuq minn Alexia Barrier u The Famous Project, kienu għaddew minn Palermo lejn ir-rokna tal-majjistral ta’ Sqallija fjen kienu qedin jagħmlu 10 mil-nawtiku fis-siegħa. B’kuntrast il-jottijiet ewlenin, Leopard 3 – ir-rebbieħ tal-Line Honours tas-sena l-oħra – u Bullitt kienu lejn it-tramuntana ta’ Alicudi fejn kienu qedin jtellqu b’xi 11 il-mil nawtiku fis-siegħa. Sadanittant, Lucky u Pyewacket 70, qed jaħdmu ħafna biex ipattu għall-isfida li kellhom biex għaddew mill-Istrett ta’ Messina. Il-kundizzjonijiet hemm raw lil dawn it-tnejn jkabbru d-distakk bejnhom u l-ewwel jottijiet. Sfortunatament, Paprec Sailing Team (Spirit of Malouen X) u Django, it-tnejn kellhom jirtiraw minħabba xi problemi fit-tagħmir tagħhom.
Aktar minn nofs il-flotta kienet għaddejja mill-Istrett ta’ Messina u fi triqithom lejn Stromboli, u l-marka tal-korsa li jmiss fi Strombolicchio. Għall-ekwipaġġi li sejrin lejn il-gżira vulkanika, teżisti theddida ta’pressjoni li ser tiddgħajjef. Il-Ħadd filgħaxija sas-sigħat bikrin tat-Tnejn filgħodu jidher partikolarment diffiċli bejn Ustica lejn il-punent Alicudi, l-aħħar mill-Gżejjer Aoeliani, fil-Lvant.
Intant il-familja Podesta, bil-jott Elusive 2 qeda tati prestazzjoni tajba ħafna, fejn irnexxilhom jimxu l-quddiem fil-klassi tagħom – IRC 4, b’distakk ta’kwazi tlett siegħat qabel l-jott Irlandiz Freya.
Sa’ l-erba ta’filgħaxija, il-Ħadd, 22 ta’ Ottubru kienu erba l-jottijiet li rtiraw. Dawn kienu Django, Red Bandit, Wild Joe u l-Paprec Sailing Team (Spirit of Malouen X).
