Anzjana ta’ ‘l fuq minn 80 sena tmut kawża tal-għargħar fir-Renju Unit  

F’Derbyshire, fir-Renju Unit, mara anzjana, ta’ ‘l fuq minn 80 sena, tilfet ħajjitha fl-appartament tagħha stess, kawża tal-għargħar ikkawżat mill-maltempata Babet, li ħakmet lill-pajjiż.

Diversi persuni li jgħixu qrib Nottinghamshire, qed jiġu mħeġġa jevakawaw djarhom. 

Hija nstabet minn ħaddiema tal-emerġenza filwaqt li l-investigazzjonijiet b’rabta mal-mewta tagħha għadhom għaddejjin. 

3 persuni oħra tilfu ħajjithom, minn meta din il-maltempata laqtet ir-Renju Unit, nhar l-Erbgħa. 

Dan filwaqt li f’Aberdeenshire għaddejjin it-tfittxijiet għal raġel li nqabad f’vettura waqt l-għargħar.