Il-Ħamis intlagħbet il-finali tal-Kampjonat Nazzjonali Champion ta’ Malta tal-Blackball 2023 fejn Dejan Grech għeleb lil Leon Azzopardi bl-iskor ta’ 10-7.
Fi triqithom għal din il-finali Azzopardi għeleb lir-rebbieh tas-sena l-ohra Clayton Castaldi u lil Ryan Pisani, filwaqt li Dejan Grech għeleb lil Gary Carr u fis-semi finali lil Johan Attard.
Il-finali kienet wahda kombattuta ferm, fejn rat lil Leon Azzopardi imur fil-vantaġġ għal diversi drabi. Iżda wara l-aħħar waqfa li Grech mar fil-vantaġġ, saħansitra b’żewġ frames, fejn għamel l-aħħar boċċa sewda sabiex ġie nkurunat bħala Champion ta’ Malta u jnaqqax ismu fuq it-Trofew u fl-istorja tal-Blackball Nazzjonali.
Il-programm tal-Blackball ikompli illejla hekk kif tissokta il-Finali tan-Knockout Nazzjonali tat-Timijiet.
