Starlites JSD rebħu s-St James Hospital Super Cup tal-Basketball tal-irġiel hekk kif fil-finali l-Ħadd wara nofs-in nhar għelbu lil Mellieħa Libertas Spaulding 79-75. Kif jixhed ir-riżultat kienet finali kumbattuta. Starlites fetħu tajjeb u rebħu l-ewwel żewġ sessjonijiet rispettivament 23-13 u 19-17 għal skor totali ta’ 42-30 sal-intervall.
Reazzjoni ta’ Mellieħa fit-tielet sessjoni meta ħarġu rebbieħa 29-21 biex sa tmiem it-tielet sessjoni id-distakk kien ta’ 4 punti biss, dejjem favur Starlites. Deċiżiva l-aħħar sessjoni li rat liż-żewġ timijiet jispiċċaw fi draw ta’ 16-16.
REKLAM
SKROLLJA BIEX TKOMPLI
Fi tmiem il-finali saret il-preżentazzjoni tat-tazza mill-President tal-MBA Paul Sultana lill-captain ta’ Starlites Alec Felice Pace.
