Fl-età ta’ tnejn u tmenin sena, miet l-attur Sir Michael Gambon, magħruf l-aktar għall-irwol tiegħu fis-serje tal-films ta’ Harry Potter.
Ħafna jafuh bħala Professor Albus Dumbledore; karattru li interpreta f’sitta minn tmien films ta’ Harry Potter.
REKLAM
SKROLLJA BIEX TKOMPLI
Sir Michael ħadem fit-televiżjoni, fil-films, fit-teatru u anki fuq ir-radju, f’karriera ta’ aktar minn ħames deċenji.
Martu Lady Gambon u binhom Fergus, qalu li l-maħbub raġel u missier tagħhom, miet fil-paċi mdawwar bil-familja tiegħu wara li sofra minn pneumonia.
Sir Michael beda l-karriera tiegħu bħala wieħed mill-membri oriġinali tar-Royal National Theatre f’Londra u kompla b’diversi plays ta’ Shakespeare.
