Gudja United u Marsaxlokk temmew il-konfront ta’ bejniethom fi draw ġust ta’ 1-1, biż-żewġ goals jaslu fl-ewwel taqsima.
Gudja fetħu l-iskor fl-għaxar minuta meta Abou Toure rċieva tajjeb mingħand Mirko Esposito, evita l-ħarġa tal-goalkeeper Xlukkjar, Marko Drobnjak, u ddepożita l-ballun fix-xobka.
Fil-45 minuta, eżattament qabel tmiem l-ewwel taqsima, Marsaxlokk rebħu penalty meta d-daqqa ta’ ras ta’ Anthony Obonogwu ħabbtet ma’ id Ricardo Mango. Mill-11-il metru nkariga ruħu Yuri De Jesus Messias, li ma żbaljax, biex irnexxielu jsib ix-xibka proprju kontra l-ex team tiegħu.
Fit-72 minuta, Nikolai Muscat għal Marsaxokk kellu xutt fil-baxx mid-distanza li għadda ftit barra.
Tliet minuti wara, is-sostitut Sean Cipriott għall-Gudjani, għadda tajjeb lejn Abou Toure fil-kaxxa, iżda dan ġie antiċipat tajjeb minn Drobnjak.
Fis-87 minuta, xutt minn qagħda idelai ta’ Yuri De Jesus Messias, intemm barra.
Referee: Trustin Farrugia Cann
BOV Plejer tal-Logħba: Armando Brenner (Gudja U.)
