Fit-tieni partita tas-Sibt filgħaxija fit-Tony Bezzina Stadium Balzan ħadu l-ewwel tlett punti tal-istaġun filwaqt li Gżira United għadhom bla ebda punt wara żewġ ħarġiet minkejja n-numru ta’ azzjonijiet perikolużi min naħa tagħhom li eventwalment ma’ waslu għal ebda gowl.
Wara biss ftit sekondi Gżira fuq l-attakk fejn il-brażiljan Lucas provda u Thaylor Aldama fajjar xutt li Danilo Golovic salva fil-lasti ta’ Balzan.
Reazzjoni ta’ Balzan ma’ kważi kwarta logħob fejn il-konklużjoni ta’ Olawale Ukeme ġie salvat bla wisq probkemi minn David Cassar fil-lasti ta’ Gżira.
Ma’ ftit aktar minn għoxrin minuta cross tajjeb ta’ Marcelo Dias iżda Aldama minn quddiem Golovic xeħet barra.
Seba minuti wara, minn azzjoni ta’ corner, il-kolumbjan Farid falla l-mira b’ftit.
Sitt minuti minn tmiem l-ewwel taqsima, ċans tad-deheb għat-tim immexxi minn Darren Abdilla biex jmorru fil-vantaġġ wara li huma ingħataw penalty għal foul tal-goalkeeper Golovic fuq Lucas lieam Golovic salva mill-11 il-metru l-konklużjoni tal-stess plejer.
Wara l-intervall Gżira baqgħu għaddejjin fuq lis-stess ritmu u wara tmien minuti Borg qassam lejn Aldama bix-xutt tiegħu imdawwar f’corner.
Sekondi biss wara u Balzan fil-vantaġġ meta Andrejic qassam lejn is-sostitut Da Silva De Souza li wara li avvanza fajjar xutt li spiċċa wara Cassar.
Kelna nistennew sat-tokki tad-disgħin minuta biex assistejna għal azzjoni oħra perikoluża b’Gżira jolqtu l-lasta wara xutt ta’ Texeira.
Referee: Andrea Scriha
