Hekk kif bilmod il-mod qed tintemm skeda oħra tas-Sajf fuq ONE, il-preparamenti għaddejin ġmielhom biex fit-2 t’Ottubru tibda skeda ġdida, skeda impenjattiva, l-iskeda tal-ħarifa fuq l-istazzjonijiet ONE.
Iżda filwaqt li programmi bħal; Kumplimenti, Snajja’, Tal-Festa, ntemmu…fl-aħħar ġimgħa ta’ Settembru ONE se jkun qed ixandar il-finali ta’ The Malta BBQ League ppreżentat minn Danusan nhar it-Tlieta 26 ta’ Settembru fid-9pm
L-Erbgħa 27 ta’ Settembru, fid-9pm ONE se jwassal Motion Pictures, spettaklu taż-żfin minn Paul Curmi Dance Studio li kien itella’ fl-awditorjum ta’ Sant’Agata r-Rabat lura f’April li għadda.
Il-Ħamis 28 ta’ Settembru, fid-9pm se jixxandar id-dokumentarju Infraction bi produzzjoni ta’ Chris u Maurice Micallef li jittrata dwar l-istorja ta’ kif Malta saret parti mill-Imperu Brittaniku
Matul il-ġurnata tal-Ġimgħa 29 ta’ Settembru, se jkun qed jixxandar programm u xandiriet speċjali relatati mas-summit tal-EU-Med 9 f’pajjiżna, filwaqt li s-Sibt 30 ta’ Settembru fit-8:30pm, b’mod esklussiv u għall-ewwel darba fuq it-televiżjoni se jixxandar Mary Spiteri: My Life, kunċert li ttella’ mill-Aġenzija Kulturali għall-Belt Valletta f’Dar il-Mediterran għall-Konferenzi.
Mill-Ħadd 24 sas-Sibt 30 ta’ Settembru, kuljum fit-8:15pm wara l-bulettin ta’ ONE News, se jkun qed jixxandar episodju kuljum ta’ Triq is-Sebgħa, produzzjoni ta’ Take Two, filwaqt li l-Ħadd l-1 ta’ Ottubru matul il-ġurnata tixxandar il-maratona ġbir ta’ fondi b’risq il-Partit Laburista.
L-iskeda l-ġdida ta’ ONE u ONE Radio 92.7fm tibda t-Tnejn 2 t’Ottubru.
