Ftit jiem qabel tibda skeda ġdida, il-paġna ta’ facebook ta’ IL-KLINIKA żvelat it-trailer uffiċjali ta’ din is-sensiela li ser tibda tixxandar mill-ewwel ġimgħa ta’ Ottubru li ġej fuq ONE
Meta tisma’ l-kelma Klinika forsi moħħok malajr imur fuq tobba, sptarijiet u mard fost oħrajn, iżda għal Clayton Pace u Martin Grech, iż-żewġ minn nies li ħarġu b’din l-istorja, il-Klinika hi biss ‘keyword’ għal post fejn dak li qatt ma maġinajt jew ħlomt, isir realta!
RG3 Productions ħadet ħsieb li din l-istorja oriġinali tkompli isaħħaha billi ħadet numru ta’ atturi Sqallija għal ġbid ta’ din is-sensiela. Ix-xeni kollha ta’ Sqallija huma miġbuda propju għal din is-sensiela, biex l-udjenza tkompli tidħol fl-istorja. Il-kast hu wieħed b’saħħtu ħafna, fejn l-għażla saret b’reqqa kbira minn Mixta Drama.
IL-KLINIKA hija storja mżewqa b’kollox: Azzjoni, ġlied, imħabba, pika, rabja u dak kollhu li jgħaddi minn moħħ il-bniedem. Se tixxandar esklussivament b’xejn fuq ONE.
Segwi hawn it-trailer uffiċjali ta’ IL-KLINIKA
