Jimmy Tanti ta’ 73 sena huwa l-vittma li tilef ħajtu f’inċident bil-mutur

Jimmy Tanti, ta’ 73 sena mill-Imqabba, ġie identifikat bħala l-anzjan li tilef ħajtu b’inċident bil-mutur fi Triq il-Belt Valletta, f’Ħaż-Żebbuġ.

L-inċident seħħ għall-ħabta tal-ħdax ta’ filgħodu, ilbieraħ.

Intant, hekk kif tħabbret il-mewt tal-anzjan, kienu bosta li rħewlha għall-midja soċjali, sabiex jagħtu l-kondoljanzi tagħhom.

Hu ġie deskritt bħala bniedem ċajtier, ta’ qalb tajba u b’passjoni kbira lejn il-muturi.