Anzjana ta’ 73 sena minn San Ġwann weġgħet graxi wara li ntlaqtet minn karozza f’Birkirkara.
L-inċident seħħ għall-ħabta tad-disgħa neqsin kwart tas-Sibt filgħodu fi Triq Tumas Fenech.
REKLAM
SKROLLJA BIEX TKOMPLI
Mill-ewwel stħarriġ irriżulta li l-mara ntlaqtet minn Toyota Vitz, li kienet qed tinstaq minn raġel ta’ 50 sena residenti Birkirkara.
Il-vittma ngħatat l-għajnuna minn tim mediku u ttieħdet l-isptar b’ambulanza, fejn ġiet iċċertifikata li qiegħda ssofri minn ġrieħi gravi.
L-investigazzjonijiet mill-Pulizija għadhom għaddejjin.
