Se jsir il-Festival tal-Kampjonati Nazzjonali taċ-Chess 2023

Serje ta’ tournaments taċ-ċess organizzati mill-Federazzjoni Maltija taċ-Ċess, ser ikunu imnedija ġewwa ċ-Ċess Club li jinsab il-Ħandaq Middle School, Qormi. Il-Festival tal-Kampjonati Nazzjonali taċ-Ċess 2023 ser ikun ikkaratterizzat minn 4 kampjonati li ser jintlagħbu bejn id-29 ta’ Settembru u t-22 t’Ottubru, 2023.

2023 Women’s Chess Championship: Qualification Tournament for Unrated Players

Dan it-tournament ta’ kwalifikazzjoni huwa għal plejers nisa li bħalissa jinsabu bla rating.        It-tournament ser ikun qed jintlagħab permezz tas-Swiss System fuq 5 logħbiet, bil-limitazzjoni fil-ħin tkun dik ta’ siegħa għal-logħba sħiħa, u 30 sekonda li tiżdied ma’ kull mossa. L-ewwel tlieta li jikkwalifikaw, jieħdu sehem fl-istadju li jmiss – il-Women’s Championship. It-tournament ta’ kwalifikazzjoni huwa skedat bejn 29 ta’ Settembru u l-1 t’Ottubru; reġistrazzjonijiet huma b’xejn u miftuħin sat-28 ta’ Settembru, 2023.

Women’s Championship Tournament

Miftuħ għal plejers nisa li għandhom rating ta’ 1000+, jew l-ewwel tlieta li jkunu kkwalifikaw mit-tournament preċedenti. Dan se jintlagħab f’forma ta’ Round Robin, bil-limitazzjoni tal-ħin tkun dik ta’ 40/90+30:G/15+30. Il-logħob ser ikun bejn is-16 u t-22 t’Ottubru fis-18:30, u l-ammont ta’ ġranet ikunu determinati mit-total ta’ parteċipanti.

2023 Senior Chess Championship

Plejers li twieldu qabel is-sena 1974 (open) huma mistiedna jipparteċipaw f’dan l-avveniment open, li minnu ser jingħataw it-titli ta’ Malta Senior S50+ Champion u ta’ Malta Senior S65+ Champion (jekk ikun hemm minn tal-inqas żewġ parteċipanti li twieldu qabel 1959).  Ser tkun qed tintuża is-sistema ta’ Round Robin, u l-kontroll tal-ħin huwa fuq 40/90+30:G/15+30. Il-logħob huwa skedat bejn il-11 u t-22 t’Ottubru. Kull min hu interessat jipparteċipa, mitlub li jikkonferma sas-7 t’Ottubru, 2023.

88^th Malta Chess Championship: Finals 2023

Dan it-tournament prestiġjuż jilqa’ fih iċ-Champion u r-Runner-up tas-sena l-oħra 2022, flimkien mal-kwalifikanti mit-2023 Candidates tournament.  Ser tintuża is-sistema ta’ Double Round Robin, bil-ħin ta’ 40/90+30:G / 30+30.  Dan it-tournament ser jiddetermina ċ-Champion nazzjonali li jmiss.

Premjijiet fi flus garantiti: l-ewwel post: €200, it-tieni: €150, it-tielet: €100. Il-premju ta’ flus jinqasam fejn ikun hemm każ ta’ plejers li jikklassifikaw fl-istess post.

Rekwiżiti għall-Parteċipazzjoni u Reġistrazzjoni

L-erba’ kampjonati kollha għandhom dawn ir-rekwiżiti li jridu jintlaħqu:

• Il-plejer irid ikun ċittadin Malti jew resident ordinarju f’Malta għal minn tal-inqas 6 snin, mill-aħħar 8 snin.
• Il-plejers iridu jkunu reġistrati mal-FIDE (f’pussess ta’ FIN) taħt il-bandiera Maltija
• Il-plejers iridu jkunu membri imħallsa tal-Federazzjoni Maltija taċ-Ċess.

Min hu nteressat jista’ jirreġistra permezz ta’ email fuq info@chessmalta.com

Persuni li m’humiex membri jistgħu jieħdu sehem wkoll f’dan il-festival, billi jirreġistraw biex isiru membri tal-Federazzjoni Maltija taċ-Ċess. Ir-reġistrazzjoni hija b’xejn għal żgħażagħ li twieldu fl-2007, jew aktar tard. Applikazzjonijiet għal sħubija jinsabu fuq is-sit tal-Federazzjoni fuq https://chessmalta.com/membership/

Skeda ta’ avvenimenti

1. 2023 Women’s Chess Championship: Qualification Tournament for Unrated Players

1. Il-Ġimgħa, 29 ta’ Settembru fis-19:00
2. Is-Sibt, 30 ta’ Settembru fl-10:00
3. Is-Sibt, 30 ta’ Settembru fit-15:00
4. Il-Ħadd, 1 t’Ottubru fl-10:00
5. Il-Ħadd, 1 t’Ottubru fit-15:00

 2. Women’s Championship Tournament

Mit-Tnejn 16 sal-Ħadd 22 t’Ottubru, kuljum fis-18:30 (skeda finali tiddependi minn numru ta’ parteċipanti).

3. 2023 Senior Chess Championship

1. L-Erbgħa, 11 t’Ottubru 2023 fis-18:30
2. Is-Sibt, 14 t’Ottubru 2023 fis-18:30
3. Il-Ħadd, 15 t’Ottubru 2023 fis-18:30
4. It-Tlieta, 17 t’Ottubru 2023 fis-18:30
5. Il-Ħamis, 19 t’Ottubru 2023 fis-18:30
6. Is-Sibt, 21 t’Ottubru 2023 fis-18:30
7. Il-Ħadd, 22 t’Ottubru 2023 fis-18:30

4. 88^th Malta Chess Championship: Finals 2023

• Rounds 1-5, mis-7-11 t’Ottubru 2023 kuljum fis-18:00
• Rounds 6-10, mit-13-17 t’Ottubru 2023 kuljum fis-18:00
• Rounds 11-14, mid-19-22 t’Ottubru kuljum fis-18:00

Għal iktar dettalji u reġistrazzjoni, żuru s-sit uffiċjali https://chessmalta.com/ jew ikkuntattjaw lill-organizzaturi fuq info@chessmalta.com jew permezz tal-ispazji tagħna fuq is-siti soċjali.