Nhar is-sibt 16 ta’ Settembru, fl-iskola nazzjonali tal-isport f’Pembroke, se jsiru l-Kampjonati Nazzjonali tal-Kickboxing.
Bosta kickboxers lokali se jkunu qed jikkompetu għat-titlu nazzjonali f’bosta kategoriji differenti li jibdew minn 6 snin ‘il quddiem. L-istess atleti se jkunu qed jimmiraw li jiffurmaw parti mit-team nazzjonali malti tal-Kickboxing li f’Ottubru se jkun qed jirrapreżenta lil Malta fl-ISKA World Championships li se jsiru f’Munich il-Ġermanja.
Il-Kampjonati Nazzjonali tas-sibt li ġej jibdew fis-6 ta’ filgħaxija u għall-ewwel darba f’ Malta se jkollna t-titlu ewropew tal-ISKA fejn Celeste Galea minn Team Noel se tiġġieled kontra l-ispanjola Ana Castello.
Il-Kampjonat Nazzjonali huwa organizzat mill-Assoċjazzjoni Maltija tal-Kickboxing. Il-pubbliku huwa mħeġġeġ sabiex jattendi u jsegwi spettaklu ta’ Kickboxing lokali.
