It-temp ippermetta biex ix-Xagħrin jiċċelebraw b’mod sħiħ il-programm u ċ-ċelebrazzjonijiet kollha tal-festa ta’ Marija Bambina.
Din is-sena għalihom hija speċjali hekk kif iċċelebraw ukoll il-50 sena minn mindu l-istatwa tal-Bambina ġiet inkurunata minn idejn l-Isqof ta’ dak iż-żmien Nikol Cauchi.
Waqt il-purċissjoni ta’ jum il-festa li saret b’mod normali, fil-preżenza ta’ eluf ta’ nies, inġarret ukoll ix-xabla ta’ La Vallette li nġabet mill-Birgu.
It-twelid ta’ Marija Bambina jiġi ċċelebrat f’erba’ parroċċi f’Malta, bin-Naxxar u l-Mellieħ jipposponu l-purċissjoni fl-Isla ħarġet minn toroq differenti u fix-Xagħra sar kollox normali.
Ilbieraħ filgħaxija, l-Għaqda tan-Nar tax-Xagħra xegħlu s-sema bi spettaklu tan-nar mill-isbaħ, filwaqt li l-Għaqda tal-Briju 1973 tellgħu spettaklu mill-isbaħ mal-faċċata tal-Knisja.
